ანოტაცია:
ეს არის ,,კონკიას’’ თანამედროვე ვერსია, რომელიც ბრიტანელმა რეჟისორმა ქრესიდა ბრაუნმა დადგა ბათუმის დრამატული თეატრის „ახალ სცენაზე“. პიესის აღნიშნული ვერსია, ასევე ბრიტანელ ხელოვანებს სელი ქოქსონს და ადამ ფექს ეკუთვნით. ეს არის ერთ-ერთი ყველაზე პოპულარული და ყველასათვის საყვარელი ზღაპრის ვერსია თანამედროვე ოჯახზე, სიყვარულზე, ახლებურად დანახულ მარადიულ ღირებულებებზე.
სპექტაკლში მაყურებელი თავად ხდება მონაწილე კონკიას თავს დატეხილი მწუხარების, სიძულვილის, ეჭვიანობის, გარიყულობის, შურისძიების, გადარჩენისთვის ბრძოლის, სიყვარულის და რა თქმა უნდა ჯადოსნური თავგადასავლის!
ბრიტანელი რეჟისორი რესიდა ბრაუნი „კონკია“–ს თავისებურ ინტერპრეტაციას სთავაზობს ბათუმელ თეატრის მოყვარულებს.

სპექტაკლი განხორციელდა ა.რ. განათლების კულტურისა და სპორტის სამინისტროს პროგრამის – "თეატრებსა და მუსიკალურ ცენტრში მენეჯმენტისა და შემოქმედებითი პროცესების გაუმჯობესების ხელშეწყობა" ფარგლებში, ბრიტანეთის საბჭოსთან საქართველოში თანამშრომლობით